យោងតាមទីភ្នាក់ងារព័ត៌មានកូរ៉េខាងត្បូង YONAHAP ថា ធនាគារកណ្តាលប្រទេសនេះបានទិញមាសដុំ១៥តោនទៀតកាលពីខែវិច្ឆិកាកន្លងមកនេះ ក្នុងក្របខណ្ឌនៃយុទ្ធសាស្ត្រវិនិយោគរបស់ខ្លួន។ យោងតាមស្ថិតិចេញផ្សាយកាលពីថ្ងៃទី២ ធ្នូ ដោយធនាគារកណ្តាលកូរ៉េខាងត្បូងថា ប្រាក់បំរុងទុកបានឡើងដល់៣៨,៦៣ពាន់លានដុល្លារ កាលពីខែមុនដោយសារការទិញមាសបន្ថែមនេះ ដែលធ្វើឱ្យចំនួនមាសដែលស្តុកទុកឡើងដល់សរុប៥៤,៤តោន ។
នេះជាវិធានការទី២របស់ធនាគារកណ្តាលចាប់តាំងពីការទិញមាសដុំ២៥តោនកាលពីខែមិថុនា និងខែកក្កដា កន្លងទៅនេះ មក ។ តម្លៃមាសដែលតម្កល់ទុកដោយធនាគារកណ្តាលពេលនេះឡើងដល់២,១៧ពាន់លានដុល្លារពោលមានការកើនឡើង៨៥០លានដុល្លារ៕
0 comments:
Post a Comment