កូរ៉េខាងជើង​ បដិសេធនឹង កូរ៉េខាងត្បូង ក្នុងការរួបរួម ជាបងប្អូនតែមួយ

សេអ៊ួល៖ ប្រទេសកូរ៉េខាងជើង បានច្រានចោលនូវការអំពាវនាវ របស់ប្រទេសកូរ៉េខាងត្បូង ដើម្បីពិភាក្សាជាថ្មី ក្នុងការផ្សះផ្សា រួបរួមជាគ្រួសារតែ មួយឡើងវិញ បន្ទាប់ពីបានបែកបាក់តាំងពី សង្រ្គាមឧបទ្វីបកូរ៉េ នៅឆ្នាំ ១៩៥០ ដល់ឆ្នាំ១៩៥៣ ។

យោងតាមសារព័ត៌មាន Chenal News Asia បានឲ្យដឹង នៅថ្ងៃទី១៨ ខែកុម្ភៈ ថា កាកបាទក្រហម នៃប្រទេសកូរ៉េខាងត្បូង កាលពីថ្ងៃអង្គារ ដើមសប្តាហ៍កន្លងទៅថ្មីៗ នេះ បានដាក់សំណើឲ្យមានការពិភាក្សា រវាងប្រទេសទាំងពីរ តែជាលទ្ធផលគ្មានទេ ក្នុងការផ្សះផ្សាជម្លោះផ្ទៃក្នុង រវាងបងប្អូនក្នុងគ្រួសារតែមួយនេះ ។

កាសែត Minju Joson របស់ទីក្រុងព្យុងយ៉ាង កូរ៉េខាងជើងបានបដិសេធន៍នូវ ការទទួលយកកិច្ចពិភាក្សា បង្រួបបង្រួមគ្នា ខណៈដែលកូរ៉េខាងជើងកំពុងពាក់មុខខ្លា ដាក់កូរ៉េខាងត្បូង ។

កាសែតកូរ៉េខាងជើង បានតបវិញថា បើសិនជាកូរ៉េខាងត្បូង មានបំណងចង់រួបរួមគ្រួសារតែមួយ គួរណាស់តែផ្តើមចេញពីមេដឹកនាំកូរ៉េខាងត្បូង។

សូមបញ្ជាក់ថា ជនជាតិកូរ៉េជាច្រើនរយគ្រួសារបានបែកបាក់គ្នា ដោយសារសង្គ្រាមឧបទ្វីបកូរ៉េនាំឲ្យមានការបែក ចែកកូរ៉េខាងត្បូង និងកូរ៉េខាងជើង រហូតមកដល់សព្វថ្ងៃនេះ រីឯសាច់ញាតិក៏ត្រូវបែកចែកបក្សពួកផងដែរ ៕