ខណៈដែលអតីតមេដឹកនាំកូរ៉េខាងជើង លោកគីម ជុងអ៊ីល ដែលទទួលមរណភាពទៅហើយមានបរមងារជាច្រើនដូចជាមហាមេដឹកនាំ មហាឧត្តមសេនីយ៍ មេបញ្ជាការជាន់ខ្ពស់របស់កងទ័ពប្រជាជន ឬមេដឹកនាំជាទីស្នេហា ក៏ប៉ុន្តែលោកគីម ជុងអ៊ីល នៅពុំទាន់ទទួលបានបរមងារជា «មហាមេដឹកនាំសេនាប្រមុខ» ដែលដាក់ជូនដល់ស្ថាបនិកកូរ៉េខាងជើង លោកគីម អ៊ីលស៊ុង តែម្នាក់គត់នៅឡើយ។
តាមរយៈការសម្រេចចិត្តរួមគ្នាមួយកាលពីថ្ងៃទី១៤ កុម្ភៈ របស់គណៈកម្មាធិការយោធាកណ្តាលនៃបក្សពលករកូរ៉េ គណៈកម្មាធិការការពារជាតិ និងគណៈកម្មាធិការអចិន្ត្រៃយ៍របស់ប្រេស៊ីឌីយ៉ូមនៃសភាប្រជាជនជាន់ខ្ពស់ បរមងារជា «មហាមេដឹកនាំសេនាប្រមុខ» ត្រូវបានផ្តល់ជូនលោកគីម ជុងអ៊ីល ដែលទទួលមរណភាពកាលពីខែធ្នូ កន្លងមកនេះ ។ ការផ្តល់បរមងារកំពូលនេះត្រូវបានរាយការណ៍កាលពីថ្ងៃទី១៥ កុម្ភៈ ដោយទីភ្នាក់ងារព័ត៌មានផ្លូវការកូរ៉េខាងជើង KCNA ។
KCNA រាយការណ៍ថា យើងសម្រេចផ្តល់ងារជាមហាមេដឹកនាំសេនាប្រមុខជូនសមមិត្តគីម ជុងអ៊ីល ដែលជាមហាមេដឹកនាំរបស់ប្រទេសយើង និងរបស់ប្រជាជនយើង ព្រោះតែលោកដឹកនាំឱ្យសម្រេចបានសមិទ្ធផលជាអមតៈទាំងឡាយសម្រាប់មាតុភូមិ និងបដិវត្តន៍របស់យើង៕
0 comments:
Post a Comment